「小黃花慈善教育基金」為一班來自弱勢社群的小朋友，安排連串暑期活動，包括贊助二十名小朋友共12課的繪畫班, 及二百多位小朋友，包場欣賞勵志卡通電影。梁詠琪和李心潔總覺得小朋友的世界應該無憂無慮。
2007年聯同好姊妹李心潔、楊采妮、許茹芸成立「小黃花慈善教育基金」的她們，目的希望從教育著手，幫助因為受生活環境影響，而未能發揮學習潛能的小孩子，像路邊的小黃花一樣，不怕風吹雨打，茁壯成長， Gigi表示: 「小朋友有權擁有一顆單純的心, 在美好的生活下成長, 這是成人的責任, 我們應盡力維護他們。」
另外亦舉行了「小黃花愛心影院」，帶同二百多個小朋友及家長，到尖沙咀睇卡通電影。「請班小朋友睇戲，除咗帶來娛樂、歡笑，我希望佢哋可以學習戲裡面個主角，唔怕面對困難同挑戰，既然俾人叫做悲情城市嘅天水圍，都可以出到個超級狀元，呢班小朋友同樣有機會可以。」
「呢班小朋友個個背景都好唔同，有小數族裔、有新移民、甚至來自單親家庭都有，但佢哋有一個共通點，都係來自貧窮線嘅低收入家庭，佢哋生活上已經有好多問題要面對，唔好講班小朋友，當日原來有好多陪仔女嚟睇戲嘅家長，咁大個人，連戲院都未入過。」GiGi說。聽到來自低收入家庭小朋友的訴求，令GiGi更加想落力推動「小黃花」，改變他們的未來。